«Osnova» karyera platformasi «Insight» onlayn paneli bilan hamkorlikda O‘zbekiston yoshlarining karyera rejalari, ularning ta’limga munosabati va ishdan kutilmalari bo‘yicha tadqiqot o‘tkazdi. Tadqiqotning muhim xulosalari bilan o‘rtoqlashamiz
Tadqiqot haqida:
Tadqiqotda mamlakat bo‘ylab 17 yoshdan 29 yoshgacha bo‘lgan 466 nafar respondent ishtirok etdi. So‘rovnomada respondentlarning to‘rtdan bir qismi mamlakatning qishloq tumanlaridan, qolganlari shaharlardan ishtirok etdi.
Tadqiqotning asosiy xulosalari:
O‘zbekiston yoshlari ta’lim platformalarida ta’lim olishni rejalashtirmoqda
Respondentlarning aksariyati (67%) ta’lim platformalaridagi kurslar orqali qo‘shimcha ta’lim olish imkoniyatini ko‘rib chiqadilar. Yana 20% shubha qiladi va faqat 12% bunday ta’limni aniq rejalashtirmaydi. Shu bilan birga, ularning yarmidan ko‘pi allaqachon oliy ta’lim muassasasini tamomlagan yoki tugatgan.
Yoshlar ta’lim platformalarida qisqa muddatli ta’lim olish uchun 1 mln so‘mgacha mablag‘ sarflashga tayyor
Respondentlarning 70%i qisqa muddatli (3 oygacha) ta’lim kurslariga 1 mln so‘mdan ortiq bo‘lmagan mablag‘ sarflashga tayyor ekanliklarini bildirishgan. Faqatgina 3,5% respondentlar bunday ta’limga 5 mln so‘mdan ortiq sarmoya kiritishga tayyor.
Platformalardagi uzoq muddatli ta’lim kurslari uchun yosh mutaxassislar 5 million so‘mgacha to‘lashga tayyor
Respondentlarning 65 foizi o‘z kasbi bo‘yicha chuqurlashtirilgan kurslar (6 oydan 12 oygacha) uchun 1 mln so‘mdan ortiq pul to‘lashga tayyor. Respondentlarning 5 foizi bunday ta’limga 10 mln so‘mdan ortiq sarmoya kiritishga tayyor.
Aksariyat yoshlar onlayn ta’limga ijobiy munosabatda bo‘lishdi, ammo tanlash imkoniyati mavjud bo‘lsa, ular hali ham oflayn formatni afzal ko‘rishadi
Respondentlarning 60% dan ortig‘i onlayn ta’limga ijobiy munosabat bildirishgan va faqat 8% bunday formatga salbiy munosabat bildirishgan. Shu bilan birga, onlayn va gibrid kurslar (44%) o‘zi uchun afzal bo‘lgan ta’lim shakli masalasida hali ham oflayn kurslardan (54%) biroz past turadi.
O‘zbekiston yoshlari xususiy kompaniyalarda mutaxassis bo‘lishga yoki davlat tashkilotlarida ishlashga intilmoqda
Respondentlarning 30 foizi davlat karyerasini, 42 foizi xususiy kompaniyalarda ishlashni, 15 foizi tadbirkor bo‘lishni xohlaydi.
Aksariyat yoshlar hali ham ofisda oflayn ishlashni afzal ko‘rishadi
Shu bilan birga, to‘liq onlayn (23%) va gibrid tarzda, onlayn va oflayn shakllarni almashtirib ishlashni xohlovchilar (26%) birgalikda oflayn formatni tanlaganlar bilan deyarli teng.
Faoliyatining boshlanishida yoshlar oyiga 5 million so‘mgacha maosh olishga tayyor
Ammo ular o‘z kasblarida 5 yil davomida 10 milliondan ortiq daromad olishni rejalashtirmoqdalar (respondentlarning 80% dan ortig‘i bu summani aytishgan).
Osnova – bu O‘zbekiston yoshlari uchun karyera platformasi. Yetakchi kompaniyalar bilan birgalikda biz dolzarb kasblarga o‘rgatamiz, ko‘nikmalarni oshiramiz, o‘z yo‘lingizni tanlashda va zamonaviy karyerani qurishda yordam beramiz.
Insight – O‘zbekistonda tadqiqotlar o‘tkazish uchun birinchi milliy onlayn panel. Panelda butun Respublikadan 100 000 dan ortiq kishi ro‘yxatdan o‘tgan. Maqsadimiz – O‘zbekiston bozorida Data Driven yondashuvini rivojlantirish.
